laugardagur, mars 06, 2010

National referendum

Today the first national referendum takes place in the republic of Iceland, the first national referendum since indepentent republic was established in 1944 as a result of a national referendum in which 98.4% of the voters participated in. One quarter of the century earlier 43.8% of the voters participated in a national referendum which resulted in foundation of a Sovereign state in union with Denmark.

The issue:

Act no. 1/2010 stipulates the modification of Act no. 96/2009 which authorises the Minister of Finance, on behalf of the Treasury, to guarantee a loan to the Depositors' and Investors' Guarantee Fund from the states of Britain and the Netherlands to reimburse for payments made to depositors of the Landsbanki Íslands hf. The Althing passed the Act no. 1/2010 but the president vetoed it. Should the Act remain in force?

Options:

Yes, it should remain in force
No, it should not remain in force

I can hardly say that there has been any campaign in the previous days, therefore I think it is wrong to expect high voters’ turnout. The leaders of the Government have both stated that they will not participate in the referendum, their followers have been promoting the possibility of not participate. Tyranny of fear seems to continue operating as misleading information continue to occupy news in the media.

Weather British, Dutch and Icelandic representatives choose to negotiate from starting point or by modifying previous agreements; Icelanders have the right to decline current Act no 1/2010. Never the less, the government dissuades the public from participating in the national referendum e.g. by claiming the referendum meaningless.

As of this afternoon the tendency is indicating that the total turnout might be around 47-55% - that would be low, in 2004 presidential elections only 62.9% participated, 10% less than in the 1988 presidential elections.

Those who participate in the referendum are primarily saying that the modification in act no 1/2010 does not have their support; the voters are not swearing British or Dutch authorities with big words. We might hear explanations tomorrow or later tonight that the voters are asking for the government to reconsider and start to evaluate interests of the Icelandic people, rather than their own pride. The rage, the despair following the collapse of the banks gave certain politician opportunity to form a government that gave the people hopes for new times with new methods, hopes that are about to evaporate.

Flokkar: ,

mánudagur, desember 21, 2009

bætiflákaburður

Það er erfitt að halda því fram með réttu að ekkert sé að frétta, ef litið er yfir heilt ár. Dags daglega er e.t.v. ekki mikið á skránni utan þess sem má flokka undir fastaliði eins og venjulega. Í tvígang var tekið á móti gestum að utan, fengu gestirnir nasasjón af landinu, fórum í Möðrudal á fjöllum gagngert til að smakka sláturtertuna, en tókst það í hvorugt skiptið.
Flutt var úr dásamlegu 105 ára gömlu húsi við Skógargötu í framúrstefnulega blokkaríbúð í september.
Ég hefði ábyggilega getað blásið meira út af koltvísýrlingi með enn meiri ferðalögum, fór til dæmis ekki í nógu margar heimsóknir til vina og ættingja, sem hefðu leitt til meiri útblásturs.

Flokkar:

miðvikudagur, desember 24, 2008

Feliz natal

Gleðileg jól
クリスマスおめでとうございます - クリスマスおめでとうございます
Merry cherry Christmas
Gleðileg jól - Gleðileg jól
Feliz navidad
Gleðileg jól

Flokkar:

laugardagur, maí 24, 2008

Í tilefni dagsins, 今日の話では。。。。。

私はまだおさかな天国が好きです。
Since some people like to sing to day, here is my suggestion.

mánudagur, desember 24, 2007

Gleðileg jól

Kæru ættingjar, vinir og kunningjar ég óska ykkur gleðilegra jóla, gæfu og friðar og hamingju ríks nýárs, með þökk fyrir gamalt og gott. Vonandi hittir maður eitthvert ykkar með hækkandi sól.

laugardagur, september 29, 2007

afsökun

Hafi maður skemmt sér of mikið eða ónáðað einhvern með ærslalátum sínum, framkomu, gjörðum eða tilvist er gott að kunna hvernig réttast er að biðjast afsökunar.

föstudagur, september 28, 2007

í samkvæmið

Nú þegar margir hafa lokið vinnuskyldu vikunnar taka ýmsir sér helgarfrí. Nokkrir munu jafnvel skemmta sér í hóp með félögum sínum. Þar sem hver og einn skyldi í upphafi endinn skoða er gott að vera viss um hvernig réttast er að hnýta enda hnútinn á sérhvert velheppnað samkvæmi.

fimmtudagur, september 27, 2007

sumri hallar

Nú þegar fleiri og fleiri fjallahnjúkar skrýðast mjalla hvítum húfum bera sumir saman bækur sínar um hvað hafi á daga manns drifið í sumarfríinu. Þó myndskeiðið sýni japanskt sumarfrí, þá er það nokkuð lengra en það frí sem ég fékk í fyrra sumar.

fimmtudagur, mars 08, 2007

Konur!

Til hamingju með daginn.

Ég hef verið upptekinn en samt ég ég óskað konum til hamingju með daginn, en berjist friðsamlega án blóðsúthellinga vinsamlegast.

Hér hefur lítið verið fært til bókar, einkum vegna anna sem og vegna bilana í kerfinu. Stundum hef ég þó fengið útrás fyrir smávegis blaður.

föstudagur, desember 22, 2006

Leiðin

Víða liggja leiðir...

Venus villtist yfir háhýsi
veglaus í mengun nútímans,
kíma kunna himintungl
að kvennaleit ungmenna.
Þorsta þekkja
þessir skuggabúar.

Þráhyggðri tilveru þykir
þess almáttuga blessun góð,
sú sjálfsfórn
sem, einatt allslaus,
sýnir sérhverjum
í annað skjól.

Við drukknun dreng þykir
dælt ástar að minnast,
hlýju hrausts vöðva
heilagrar elsku,
hafi um sjálfan hugsað
hans kæra snót.

Brautarteinum beinum hjá
brösuðu í kyrrðinni.
Skrifað gat þá skipulag
í skaut og gefið,
er fjölmenni var fjarri,
Feikn og býsn allskonar.

Fjallagrösin fögur
fyrir vitum ilma,
líka kunna litlum
laglegir hlutir að spilla.
Eitt sinn gefnir gripir,
ganga stundum aftur.

Gantast má í grósku tíð
gangstéttar hellu á.
Þar þykir gott að vera
þessari elsku með.
Aðrir staðir ekki
unaðinn fanga.

Hreinhjartaður hópur
hinna snauðu,
trega tárum væta
trygglinda hvarma,
er elskendur morgunvatn
einungis að skilnaði drekka.

Leiddi þó gegnum þvögu,
þá sem elskar og kætir,
sterk hönd styrktist
sem stólað var á.
Vildi vera saman,
vissulega þráði.

Auka mátti á leti,
áningarstaðnum hjá,
af fremsta fræddu megni.
fyrir einn,
yndis gleði, unað veitir.
Ekkert við það jafna má

Ungmenni í einsemd
ætíð, í háhýsis skugga, veit
þó þrá eftir konu
þjaki með söknuði,
Venus víst brosir
villtur í menguninni.

Máttugur meistari
misskilningi beitir.
Vopn ógna víst, og skelfa.
En vinarlegar, fyrir sálir,
einatt að endingu
ekkert fer illa.

mánudagur, nóvember 13, 2006

Jörðin fyrir Fólk!

Í sumar fréttist að innflytjendur ætluðu að bindast samtökum og bjóða fram til sveitastjórna eigi síðar en í næstu kosningum árið 2010 og jafnvel til Alþingis árið eftir. Veit ég vel að hér var ekki um að ræða félag íslenskra stórkaupmanna eða minnkandi stétt heildsala sem vilja ná fram hefndum og gera alvöru úr meintum pólitískum ofsóknum á hendur Baugi, með pólitískum áherslum á innflutning varnings til landsins. En það stóð ekki lengi í tápmikilli stjórnmálaumræðu á Íslandi.

Mannskepnan er einkennileg, í nafni frelsis er fólk hneppt í helsi, í nafni friðar fara menn um með ófriði. En við fæðumst í þessa sömu veröld, sumir vilja hvergi annarstaðar vera en hvar í heiminn bornir þeir voru, aðrir eru á sífelldu randi. Ánægja og hamingja flestra er best tryggð með sem minnstum núningi. Sama á hvað hver trúir þá er tortíming mannkyns ekki forgangsatriði í trúmálum. Þeir sem sætta sig við veðráttuna, þeir sem fara að lögum á hverjum stað fyrir sig, þeir sem geta átt friðsamleg samskipti við samborgarana þeir hinir sömu eru húsum hæfir og eru velkomnir víðast hvar.

Eitt er að dvelja, læra og eða starfa á Íslandi, annað er að verða Íslendingur, verða íslenskur ríkisborgari. Ríki geta sett kvaðir um hvorttveggja. Til að draga úr tortryggni er best að skýrt liggi, áður en tækifæri til múgsefjunar og illinda gefist, hvaða skyldur menn þurfi að uppfylla til að hljóta réttindi. Sum ríki krefja borgara sína um þegnskyldu í þágu ríkisins, ekki endilega þjóðarinnar, við varnir ríkisins, önnur ríki beina sjónum að jafn ábyrðar miklum störfum og seta í kjörstjórnum krefst, binda slíkt þegnskyldu. Til sumra ríkja hefur verið stofnað til varnar réttindum ákveðinna þjóða, enda er sem fyrr segir; þjóðríkið vinsælt form í ríkisrekstri. Ríkin geta sett menningarleg viðmið inn í lög sín, sem mælikvarða á menningarlega samheldni ríkisborgaranna.

Svo virðast menn í Frjálslyndaflokknum, nýjasta, hafa kosið fályndi framar frjálslyndi. Því nú fá innflytjendur þá gusu sem gekk yfir útgerðarmenn fyrir einu kjörtímabili síðan. Ekki dettur mér þó í hug að væna Alþingismenn um nýstárlega hugsun til að krefja einkafyrirtæki um hærri styrki til stjórnmálaflokks síns ef stefnubreyting eigi að koma til. Eitthvað gæti velgengnisvél víkinganna góðu hikstað suðvestan við Kænugarð ef athafnafrelsi okkar yrði takmarkað þar á sama hátt og athafnafrelsi fólks af þeim slóðum verður takmarkað hér.

Morgunblaðið 11. nóvember 2006

þriðjudagur, október 17, 2006

Ja hérna hér

Í gær gæddi ég mér einhverri þeirri allra bestur pylsu sem ég hef nokkru sinni smakkað. Svo góð var pylsan að hún kollvarpaði hugmyndum mínum um bjúgnakræki. En í nótt reiknaði ég fastlega með því að þær gufur sem gengu upp af meltingunni dygðu til að vekja upp útdauða fílategund í öðru landi. Í það minnsta þóttist ég greina örvæntingu handan hrísgrjónapappírsveggjarins, milli meltingaróhljóðanna, þó hafa nágrannarnir þurft að þola ýmislegt síðan ég flutti inn. Andvakan í nótt átti sér stað í þann mund sem ég ætlaði mér að hafa losað mig við mauraspreyjið úr maganum fyrir fullt og allt.

fimmtudagur, september 21, 2006

Halldór Blöndal

Halldór Blöndal hefur á Alþingi barist fyrir hagsmunum Kjördæmisins á þrjátíu og níu þingum. Meðal þess sem stendur uppúr á afrekaskrá hans má nefna:
Göngin til Ólafsfjarðar, sem tókst að ná fram á síðustu dögum ríkisstjórnar Þorsteins Pálssonar, þó að ráðherrar Alþýðuflokksins mölduðu í móinn í ríkisstjórninni.
Göngin frá Siglufirði til Ólafsfjarðar, sem eru líftaug þessara byggðarlaga.
Þegar Sverrir Hermannsson var búinn með fjárlagskvótann, sem menntamálaráðuneytið hafði, þá króaði Halldór Blöndal, Þorstein Pálsson af út í horni í efri deild fyrir 3. umræðu fjárlaga og sagði að Háskólinn á Akureyri yrði að fá fjárveitingu og það varð.
Þá er ótalin vaskleg framganga hans sjálfs í Samgönguráðuneytinu í átta ár, á umbrota tímum fjarskipta, innleiðingu farsímakerfis og útbreiðslu veraldarvefsins, og framfaratímum í samgöngumálum; griðarleg slitlagning á vegum og raunveruleg áform um skipulagt framhald, sem og lífleg stjórn hans á landbúnaðramálum í heilt kjörtímabil. Ólíkt Al Gore sem sagðist hafa fundið upp veraldarvefinn var Halldór Blöndal sannarlega samgönguráðherra þegar vefvæðing Íslands hófst. Ekki má heldur gleyma sköruglegri fundarstjórn Halldórs á Alþingi á 8 þingum.
Meira á Íslendingi hvar hann hefur verið í fremstu röð lengi.

föstudagur, september 08, 2006

Mikið

Það gekk mikið á um daginn. Í kjölfar fyrradags hefur kvenvæddum skoðunum að mestu verið pakkað saman. Óvíst er með öllu hvort slíkt og annað eins verði viðrað á nýjanleik. Sumir vilja tala afslappað um málin. Aðrir segja enga ástæðu að ræða framhaldið frekar því nú sé allt morgun ljóst.

Það fögnuðu samt ekki alveg allir. Það hefði verið flottara ef dagsetning skurðarins hefði farið saman við fæðingardag Magnúsar á Mel þ.e. menn hefðu frestað "aðgerðinni um einn sólarhring. Menn spá u.þ.b. 150 milljarða veltuaukningu í efnahagslegu tilliti í kjölfar miðvikudagsins.

þriðjudagur, september 05, 2006

Sandkassi


Svei mér þá ef Sandkassi hvar maður hefur á stundum borðað bókhveitinúðlur sést ekki stundarkorn í þessu myndskeiði.

þriðjudagur, ágúst 29, 2006

Meðan ég man

Þetta var víst í Morgunblaðinu fyrir helgi...

Óánægjueldi

Í sumar hafa þekktar raddir kyrjað kunnan söng. Enn minnist Kristinn H. Gunnarsson á meinta meinsemd. Kristinn lýtur á framsal veiðiheimilda sem meinsemd sem hann nefndi nú í sambandi við blossandi elda og gjósandi andstöðu. Það hætt við því að slíkt endurtaki sig ef alltaf er leitast við að ala á óánægju.

Fyrir um fimm árum var Kristinn formaður í stjórn Byggðastofnunar og þá var gerð skýrsla um Sjávarútveg og byggðaþróun á Íslandi. Skemmst er fá því að segja niðurstaðan féll vel að málflutningi stjórnarformansins. Skýrslan er mörgum gleymd en málflutningurinn heldur áfram. Með skýrsluna að vopni hefur harðar verið sótt að hinni meintu meinsemd. En skýrslan er tvíeggja sverð. Í skýrslunni eru tekin dæmi af íbúaþróun og verslun með veiðiheimildir. Við útgáfu skýrslunnar var framsali veiðiheimilda kennt um byggðaröskun. Byggðaröskun eða hrörnun byggða, fólksfækkun á landsbyggðinni, hófst ekki með framsali veiðiheimilda. Tilfærsla veiðiheimilda jafngildir ekki búferlaflutningum fólks. Áréttaði höfundur að hvað fólksflutning varðaði, kæmi meira til en hreyfingar aflaheimilda, Kristinn hefur lengi látið sem hin meinta meinsemd sé rót flest alls ills. Í skýrslunni voru tekin dæmi af Hrísey annarsvegar og Ísafirði og Hnífsdal hinsvegar, ekki var að sjá að aflaheimildir og íbúar héldust í hendur.

Í skýrslunni voru borin saman fiskveiðiárin 1992/1993 og 2000/2001. Á þessum árum drógust aflaheimildir sem úthlutað var til höfuðborgarsvæðisins 15% meira saman en sem nam heildar skerðingu aflaheimilda Íslendinga, samatímis fjölgaði íbúum þar úr því að vera 57% landsmanna í rúm 62% landsmanna. Árið 1992 var 86,5% aflamarks úthlutað á landsbyggðinni en þar bjuggu um 42,2% landsmanna, árið 2000 var 89,2% aflamarks úthlutað þar en þá bjuggu þar um 38,1% landsmanna, í skýrslunni var ekki tekið tillit til sérstakra úthlutana aflamarks. Ef sérstakar úthlutanir eru teknar með í reikninginn, líkt og á vef Fiskistofu, var 83,6% aflamarks úthlutað til landsbyggðarinnar árið 2002, í fyrra féllu 85,7% aflamarks landsbyggðinni í skaut, í fyrra voru 37,5% landsmanna á landsbyggðinni. Hvorki skýrslan né þróun eftir útgáfu skýrslunnar benda til þess að auknar aflaheimildir jafngildi fjölgun íbúa. Þróunin bendir til hins gagnstæða. En formaðurinn, þrátt fyrir ábendingar, fagnaði skýrslunni og mælti fyrir stórfelldum breytingum á núverandi fiskveiðistjórnun, svo stórfelldum að sumir sögðu að slíkt þýddi afnám núverandi kvótakerfis, til þess að koma á jafnvægi í byggð landsins.

Skýrsluhöfundur sagði annað geta komið til greina. Ein athugasemda sem fram kom um árið var á þá leið að skýringa gæti þurft að leita í þróun sem hófst á 19. öld. Til langs tíma voru Íslendingar annarsvegar bændur og hinsvegar búalið. Það var jafnvægi. Á 19. öld var höfuðstaður vor styrktur í sessi með stjórnvaldsaðgerðum ekki síst með mótun menntastofnana. Síðan þá hefur hlutfall íbúa höfuðborgarsvæðisins af landsmönnum aukist, þegar fleiri og fleiri Íslendingar sækja í menntun - Menntun hefur haft meiri áhrif á byggðaþróun en framsal aflaheimilda. Viljum við loka skólunum til að frysta byggðamynstrið?

Söguna þekkja flestir. Hjón, e.t.v. búsett á landsbyggðinni, eignast barn, hvetja barnið til dáða, halda því við efnið hvað nám varðar, að loknu grunnnámi eru foreldrarnir ekkert sérlega líklegir til að draga úr áætlunum barnsins um frekara nám svo þá er það framhaldsskóli að honum loknum liggur beinast við að fara í háskóla, sumir fá sér vinnu með skóla aðrir stofna fjölskyldu og enn aðrir gera hvorttveggja. Þá er búið að stofna heimili áður en námi er að fullu lokið og e.t.v. lítið um freistandi tækifæri sem bjóðast í heimabyggðinni þannig að mörgum finnst varla svara kostnaði að rífa sig upp með rótum og flytja út á land eða heim að námi loknu enda búnir að koma sér þægilega fyrir á höfuðborgarsvæðinu.

Búseta er í stöðugri þróun, byggðamynstrið í landinu er í dag ekkert réttara en það var árin 874, 930, 1851 eða 1939. Byggðamynstrið er síbreytilegt og í stöðugri þróun. Ef fólki væri í dag meinað að flytja sig spönn frá rassi væri verið að endurvekja vistarbandið í nýrri mynd. Það er annað mál er einstaklingar á ákveðnum svæðum leggja hlutfallslega meira í sameiginlega sjóði landsmanna, til langs tíma en íbúar á öðrum svæðum og búa samt við lakari þjónustu af hálfu samfélagsins en þeir sem leggja minna af mörkum. Málin þarf að ræða á réttum forsendum. Ekki með hleypidómum um hálfsannleik eða þaðan af minna. Slíkt er óánægjueldi.

Heimildir
Heimasíða Kristinn H. Gunnarssonar
Sjávarútvegur og byggðaþróun á Íslandi, Unnið fyrir stjórn Byggðastofnunar. Mars 2001.
Af vef Fiskistofu; Úthlutun aflamarks e. heimahöfnum 1991/1991 - 2005/2006:
Hagskinna - Geisladiskur. Hagstofa Íslands. Reykjavík 1997.

Morgunblaðið 25. ágúst 2006

mánudagur, ágúst 28, 2006

Með bauga undir augum í leit að bláberjahimni

Í dag hefur mest allt verið á skjön við það sem gengur og gerist. Í skemmstu máli gékk allt á afturfótunum. Þó klóraði ég mig út úr því flestu en verð þó sennilega að bíða í tvo til þrjá daga með að sjá hvort ég hafi yfir höfuð fengið einhverju áorkað.

Annað er það sem fékk mig til að broasa út í annað, það er misheyrn dagsins í dag. Ég gat ekki annað en kímt við þó ég væri með bauga undir augum er nemi söng með lagi í útvarpinu um bláberjahiminn í stað fullkomins himins. Vissulega var Lúsí nokkur í demantshimni og sama hljósveit söng um jarðaberjaakra en bláberjahiminn er eitthvað nýtt.

sunnudagur, ágúst 27, 2006

Ekkert er nýtt undir sólinni

Unglingaveiki er ekki nýtilkomin farsótt helfur hafa menn geta séð merki hennar um langan aldur.

Unglingaveiki að fornu og nýju
Mér sagði það hún mamma;
ég mætti eyða og spreða,
slást í för með slordónum,
slá um mig duglega.
afvegaleiða aðeins
alla sem trúa vilja.
Mæta svo á mannamót
mjög svo skvetta úr klaufunum.

föstudagur, ágúst 25, 2006

Friðsamlegt á austurvígstöðinni.

Ekkert hefur orðið af þeirri byltingu sem stefndi í að yrði í Félagi Íslendinga í Japan þegar í ljós kom að formaðurinn hafði ekki gert lagskonu sinni grein fyrir mögnuðu hetjunni Magna. Innan tilskilins frest var búið að greiða úr flækjunni.

fimmtudagur, ágúst 24, 2006

Vinur Dóra

Nú í dag á höfðinginn Halldór Blöndal afmæli, Ég vona að Halldór sé hress í dag sem aðra daga. Í tilefni dagsins vil ég skrifa eins og við Varðarmenn sungum í Sjallanum á Akureyri aðfaranótt 1. janúar 1996 í kjölfar áhorfs okkar - sitt í hvorulagi - á "fastan lið eins og venjulega":

"Já þetta er einmitt það sem ég vil, enn annað kjörtíma bil!"

Málefnanlegt fólk, hvar í flokki sem það stendur sér skilur og veit að enginn kýs einvörðungu vegna búsetu, eða einvörungu vegna kynferðis, eða einvörðungu vegna aldurs, - aukin heldur er Eivör Pálsdóttir ekki kjörgeng, - heldur kjósa menn og konur og þó einkum málefnalegir menn og málefnalegar konur á grunni verka og vilja til frekari verka.

Halldór stýrði Þingfundum með sóma, kannski finnst einhverju sem skugga hafi borið þar á þegar Helgi Hjörvar gekk út við þau orð Dóra að Ólafur Ragnar væri ekki Guð og hefði ekki guðlegt vald. Síðan hefur Halldór stýrt utanríkisnefnd Alþingis og á sama tíma er samið við Kína um samningaviðræður, sendiráð opnað í fjölmennasta lýðræðisríki heims, og æskuhugsjónir hans komast í verk á öðru sviði málaflokksins, þá hefur Hoyvíkur samningurinn verið fullgiltur, vestnorræn samvinna blómstrar og så videre...

Betra er að hafa færan veg en engan. Þegar allir hafa aðgang að færum vegi flyst áherslan á örugga vegi. Ekki gengur að gera allt í einu, það myndi hafa of mikil ruðningsáhrif Við vitum báðir að fyrst ber að tengja saman byggðirnar með færum vegum, því næst getum við bætt öryggi veganna. Íslendingar munu aka á öruggum vegum þegar fram í sækir.

Frá því að Halldór opnaði vefinn okkar Íslending, hefur kappinn verið iðnastur kjörinna fulltrúa flokksins í kjördæminu við útvegun efnis og skrif á vefinn, með því sannar Dóri svo sannarlega hve hress hugur hans er.

Halldór fer létt með það að stýra hinu góða sjálfstæðisfólki, konum og körlum, nýjum og reyndum, ungum og öldnum, sem vill bjóða sig fram fyrir okkur- sjálfstæðisfólk vill bjóða sig fram -, og er ekki bundið við önnur störf, til sigurs rétt eins og hann hefur áður gert.