miðvikudagur, júní 23, 2004

Norðurál hvað

Að lokinni læknisheimsókn sem var mun meira traustvekjandi en sambærilegir atburðir í Mexíkó. Var haldið í Fjarðarál þeirra Japana. Nippon Steel. Nokkuð kröftug heimsókn, þó ekki færi mikið fyrir spurningum að lokinni skoðunarferðinni. Á heimleiðinni var áð á "sjávarhóteli" sem minnti frekar á ferjuna sálugu sem sigldi millum Voga og Straums. Áður en Færeyingar hermdu eftir Speli.

þriðjudagur, júní 15, 2004

Þriðjudagur til þrautar

Það er spurning hvort maður þurfi ekki að gera sér aðra ferð í sendiráðið til þess að kjósa í forsetakosningunum á ný í ljósi nýlegra atburða. Tæmdi bankareikninginn svo gott sem og keypti mér japönsku, til þess að reyna að ná einhverjum áttum. Annars var varla nokkur andvari í dag og bjó maður því vel um sig í öllum þeim loftkældu rýmum sem maður komst í tæri við. Ætli mínir ensku, dönsku og þýsku kennarar heima á Fróni hafi ekki einhverntíman sagt ef ekki marg ítrekað það fyrir mér að það þýddi ekkert fyrir mig að þykjast læra erlend tungumál. Svei mér þá ef ég sammælist þeim ekki loksins og læt af þvermóðskulegum mótþróa við þá sem vita betur - og þó. Maður opnar bara bókina aftur og reynir að hefja lestur aftur á sömu blaðsíðu og var lesin fyrir helgi.